Gwasanaethau Mona Group ar gyfer Gwyddoniaeth ac Ymchwil

Ffabrigo a pheirianneg pwrpasol, a chodi cymhleth ar gyfer cyfleusterau gwyddoniaeth ac ymchwil

Mae cyfleusterau gwyddoniaeth ac ymchwil yn cynrychioli’r technoleg mwyaf blaenllaw ac - ynghyd â'r diwydiant niwclear - yn cynrychioli un o'r diwydiannau mwyaf rheoledig ar y blaned.

Mae gan Mona Group gysylltiad hir-dymor â nifer o sefydliadau gwyddonol. Mae'r rhain yn cynnwys CERN yng Ngenefa, y Labordy Niwclear Cenedlaethol (LNC), Prifysgol Southampton, Prifysgol Bangor a'r Ysgol Gwyddorau Eigion, a Choleg Menai.

Mae gan ein peirianwyr dylunio flynyddoedd lawer o brofiad mewn datrysiadau peirianyddol effeithiol ac addas i ofynion gwyddonol heriol. Rydym yn cefnogi ein gwasanaethau dylunio a ffabrigo gyda gwasanaeth arolygu a chynnal a chadw, yn ogystal â gwasanaethau profi llwyth ar gyfer ardystio a dilysu cynnyrch. Heb yr ardystiadau priodol, mae'n amhosibl cyflwyno dulliau a thechnegau arloesol i ddiwydiant mor reoledig. Gyda'n profiad, ein cymwysterau, a'n galluoedd modelu CAD 2D a 3D mewnol, mae gan Mona Group y cymwysterau a'r sgiliau i gynhyrchu ystod eang o brototeipiau, peiriannau prosesu ac offer codi pwrpasol i'r safonau priodol a derbyniol.

Codi a chario

Mae cyfleusterau ymchwil gwyddonol yn aml yn cyflwyno gofynion codi a chario cymhleth, yn enwedig pan mae offer mawr a bregus. Mae Mona Group mewn safle cryf i ddarparu datrysiadau ar gyfer y codiadau anoddaf. Mae Mona Group wedi darparu craeniau ac offer codi arbenigol ar gyfer nifer o sefydliadau gwyddonol, gan gynnwys CERN yng Ngenefa lle gwnaethom ddarparu system codi, cario a storio gymhleth ar gyfer offer a ddefnyddir fel rhan o'r Peiriant Gwrthdaro Hadronau Mawr.