Olwyn Fach Newydd Prosiect ATLAS yn cael ei chodi’n llwyddiannus am y tro cyntaf yn CERN

Ar 13 Gorffennaf 2021 cafodd y teclyn codi pwrpasol 105 tunnell, a gafodd ei ddylunio a’i weithgynhyrchu gan Mona ar gyfer CERN – y cyfleuster Ewropeaidd ar gyfer Ymchwil Niwclear yn Geneva – ei ddefnyddio am y tro cyntaf.

Mae prosiect ATLAS yn arbrawf ymchwil yn y Peiriant Gwrthdaro Hadronau Mawr, a ddyluniwyd i chwilio am dystiolaeth o ddamcaniaethau datblygedig ym maes ffiseg gronynnau. Mae’r arbrawf yn cael ei gynnal mewn ogof danddaearol enfawr, ac mae’r caledwedd sydd ei hangen ar gyfer yr arbrawf, gan gynnwys y synwyryddion “Olwyn Fach Newydd”, yn gorfod cael ei chodi a’i thrin yn ofalus wrth ei gosod.

I hwyluso hyn, roedd Mona wedi dylunio a gweithgynhyrchu teclyn codi pwrpasol i godi, storio a chludo’r strwythur Olwyn Fach Newydd. Roeddem wrth ein bodd o glywed gan CERN bod yr olwyn gyntaf o’r ddwy wedi cael ei chodi a’i gostwng yn llwyddiannus i’r ogof arbrofol, sy’n garreg filltir arall yn y prosiect.

Arbrawf Byw ATLAS

Gallwch weld arbrawf ATLAS yn fyw ar wefan CERN. Neu gwyliwch y fideo isod: