Mona Group a’r Diwydiant Niwclear

Ymgynghori, dylunio a gweithgynhyrchu craeniau ac offer codi ar gyfer y diwydiant niwclear

Mae gan Mona Group hanes hir a pharchus yn y diwydiant niwclear. O'n canolfan yng Ngogledd Cymru, rydym wedi cymryd rhan mewn nifer o brosiectau mewn gorsafoedd niwclear sy'n eiddo i Magnox, ac wedi gweithio ar draws y Deyrnas Unedig ac Ewrop ar gyfer amrywiaeth eang o gleientiaid, gan gynnwys cyfleusterau ymchwil niwclear.

Rydym yn canolbwyntio ar ddarparu atebion gweithgynhyrchu ar gyfer gofynion codi a chario deunyddiau cymhleth mewn cyfleusterau niwclear, yn enwedig ar gyfer datgomisiynu gorsafoedd pŵer niwclear.

Mae gosodiadau arferol yn cynnwys:

• Craeniau ar gyfer gofynion datgomisiynu niwclear penodol; COTS, MOTS a datrysiadau pwrpasol
• Cynwysyddion storio gwastraff a systemau cario; ar gyfer parthau peryglus, halogedig a rheoledig yn radiolegol
• Trawstiau a fframiau codi ar gyfer codi a llwytho gwastraff niwclear lefel isel (LLW) a lefel ganolradd (ILW)
• Troliau, cymysgwyr ac offer ar gyfer cario a llwytho gwahanol raddau o wastraff niwclear ar gyfer symud rhwng celloedd
• Platiau gorchudd a ffabrigo pwrpasol
• Systemau rheoli CCTV a PLC ar gyfer cario a rheoli o bell

Gwasanaeth cyflawn i'r diwydiant niwclear

Mae Mona Group yn gweithio'n uniongyrchol gyda gweithredwyr gorsafoedd pŵer, yn ogystal â darparu ymgynghoriaeth arbenigol a gweithgynhyrchu i brif gontractwyr a rhanddeiliaid eraill sy'n ymwneud â phrosiectau datgomisiynu niwclear.

Rydym yn darparu gwasanaeth cynhwysfawr; gan gynnwys asesiadau cwmpasu a risg ar gychwyn prosiectau, dylunio CAD 3D mewnol a Dadansoddiad Elfen Gyfyngedig (FEA), gweithgynhyrchu, Profion Derbyn Ffatri (FAT), cludo, gosod a chomisiynu datrysiadau codi a chario pwrpasol.

Ymrwymiad i weithgynhyrchu o ansawdd

Mae'r diwydiant niwclear ymhlith y rhai sydd wedi'u rheoli fwyaf llym yn y byd, ac mae gan Mona Group y profiad a'r arbenigedd i fodloni'r safonau ansawdd a diogelwch llym hyn.

O'n tîm dylunio mewnol i'n prosesau ffabrigo, comisiynu ac ardystio; mae ein gwasanaeth yn canolbwyntio ar ansawdd, olrhain ac atebolrwydd.

Mae ein prosesau rheoli mewnol wedi'u hachredu gydag Ardystiad ISO 9001 ar gyfer Rheoli Ansawdd, Ardystiad ISO 45001 ar gyfer Iechyd a Diogelwch, ac Ardystiad ISO 14001 ar gyfer Rheolaeth Amgylcheddol i leihau a chynnal ein heffaith amgylcheddol.

Mae ein system rheoli cynhyrchu ffatri ar gyfer gweithgynhyrchu a weldio cydrannau dur strwythurol wedi'i hachredu i BS EN 1090 Dosbarth Gweithredu 3 a BS EN 3834-3. Mae ein gweithdrefnau weldio yn cydymffurfio â BS EN 15614 ac mae ein weldwyr cymwys yn bodloni’r safon BS EN 9606.

Rydym yn gweithio i safonau LTQR (Ardystiad Ansawdd Oes) ar gyfer olrheinadwyedd llawn o'r syniad cychwynnol hyd at y gosod; gyda phrofion di-ddinistr ac arolygu weldio yn cael eu cynnal yn ôl yr angen. Mae ein gosodiadau fel arfer yn cael eu gweithgynhyrchu i Raddau Ansawdd 2 i 4.

Mae ein gwasanaethau peirianneg wedi eu cefnogi gan yswiriant risg ac indemniad proffesiynol y contractwr gwerth £2 filiwn. Ar gyfer gwaith safle, mae gan holl weithwyr ein safle basbort diogelwch CCNSG neu gyfwerth; maent yn cael eu fetio am ddiogelwch, wedi'u hyfforddi ar gyfer safleoedd presennol, ac wedi eu hyfforddi i weithio mewn mannau cyfyng, gweithio ar uchder, ac yn dal gwahanol drwyddedau gweithredu peiriannau.

Rydym yn gwneud mwy na’ chomisiynu yn unig; rydym ar gael i ddarparu gwasanaeth archwilio, profi, cynnal a chadw ac atgyweirio llawn ar y safle yn ôl yr angen.