James Fisher Nuclear – Cyfarpar Codi ar gyfer Datgomisiynu Gorsaf Bŵer Niwclear Winfrith, y Deyrnas Unedig

Mae Mona Lifting wedi bod yn gweithio i James Fisher Nuclear ers mis Ebrill 2019, ac mae cynlluniau ar y gweill i osod nifer o beiriannau yn 2022.

Roedd Winfrith yn orsaf bŵer niwclear a oedd yn defnyddio Adweithydd Dŵr Trwm sy’n Cynhyrchu Stêm (SGHWR). Cafodd safle Winfrith ei gau yn 1990, ac mae’n eiddo i’r Awdurdod Datgomisiynu Niwclear. Magnox sy’n rheoli’r rhaglen ddatgomisiynu, ac mae nifer o gontractwyr yn gysylltiedig â’r gwaith.

Wrth weld bod angen cyfarpar codi arbenigol, cysylltodd James Fisher Nuclear â Mona. Dyfarnwyd y contract i ni wedyn i ddylunio, gweithgynhyrchu a gosod craen teithio uwchben pwrpasol. Bydd y craen, a’r strwythurau cysylltiedig, yn cael eu defnyddio fel rhan o’r Prosiect Segmentu Craidd a fydd yn cynnwys datgymalu, pacio ac allgludo’r adweithydd craidd fel rhan o’r rhaglen ehangach i ddatgomisiynu ac adfer holl safle Winfrith.