Gwasanaethau Mona Group ar gyfer Awyrofod a Hedfanaeth

Systemau codi, cludo a chario cymhleth ar gyfer cydrannau strwythurol awyrennau

Mae gan Mona Group gysylltiadau uniongyrchol ac anuniongyrchol â'r diwydiant hedfanaeth, ac rydym wedi llwyddo i drosglwyddo ein degawdau o brofiad a gwybodaeth mewn dylunio craeniau a systemau codi a chario cymhleth i fodloni gofynion manwl y diwydiant gweithgynhyrchu awyrennau.

Systemau cario a chodi pwrpasol

Rydym yn darparu ystod o offer, gan gynnwys craeniau jib a chraeniau symudol uwchben, gydag amrywiaeth o opsiynau rheoli a monitro i'w defnyddio yn y broses o weithgynhyrchu awyrennau. Mae hyn yn cynnwys cario’r cydrannau strwythurol mwyaf, gan gynnwys breichiau esgyll ac adrannau cyrff awyrennau. Rydym hefyd yn dylunio ac yn cynhyrchu cyfryngau cludo amrywiol ar gyfer symudiadau lefel isel ar gastorau a/neu systemau tracio.

Mae ein tîm dylunio a modelu yn gweithio i ddeall anghenion a disgwyliadau'r cleient yn llawn. Rydym yn cynnig gwasanaeth sy'n cynnwys dylunio, weldio a ffabrigo arbenigol, electroneg (gan gynnwys systemau rheoli a monitro), gosod, ardystio, ac arolygu a chynnal a chadw parhaus.

Cyfleusterau cynnal a chadw awyrennau

Mae ein systemau codi yn addas iawn ar gyfer cyfleusterau cynnal a chadw awyrennau. Gallwn ddarparu systemau codi pwrpasol a thrawstiau codi i godi awyrennau wrth eu harchwilio a'u trwsio.

Ansawdd a diogelwch yn gynhenid

Mae ein system rheoli cynhyrchu ffatri ar gyfer cydrannau dur strwythurol gweithgynhyrchu a weldio wedi'i achredu i BS EN 1090 Dosbarth Gweithredu 3 a BS EN 3834-3. Mae ein gweithdrefnau weldio yn cydymffurfio â BS EN 15614 ac mae ein weldwyr cymwys yn bodloni’r safon BS EN 9606.

Rydym yn gweithio i safonau LTQR (Ardystiad Ansawdd Oes) i sicrhau olrhain llawn o'r syniad cychwynnol hyd at y gosod. Rydym yn cynnal profion annistrywiol ac arolygu weldio pan fo angen. Fel arfer, mae ein gosodiadau'n cael eu cynhyrchu i Raddau Ansawdd 2 i 4.

Mae ein prosesau rheoli mewnol wedi’u hachredu i ISO 9001 ar gyfer Rheoli Ansawdd, ISO 45001 ar gyfer Iechyd a Diogelwch, ac ISO 14001 ar gyfer Rheolaeth Amgylcheddol, er mwyn lleihau a rheoli ein heffaith ar yr amgylchedd.