Gwasanaethau Mona Group ar gyfer Gweithgynhyrchu

Craeniau, codi, cario a ffabrigo ar gyfer diwydiant a gweithgynhyrchu

Mae gwasanaethau Mona Group i'r diwydiant gweithgynhyrchu yn amrywiol ac arbenigol. Rydym yn darparu ffabrigo pwrpasol mewn dur, dur gwrthstaen ac alwminiwm, ystod o gaenau diwydiannol arbenigol, a gwasanaeth codi a chario ar gyfer peiriannau diwydiannol trwm a mawr.

Ffabrigo a pheirianneg

Trwy ddefnyddio dur, dur gwrthstaen ac alwminiwm rydym yn gallu dylunio, ffabrigo a gosod pob math o bibellau, falfiau, tanciau, pibelli pwysedd, dwythell, platfformau mynediad, raciau a chrudiau. Rydym yn darparu gwasanaeth cynhwysfawr, o ddylunio a modelu 2D / 3D hyd at weldio arbenigol, cydrannau weldio wedi’u ffabrigo, a phrofi amodau weldiau, i gyd yn unol â'r safonau cymwys cyfredol.

Craeniau a systemau rheoli

Mae Mona Group yn ymgymryd â dylunio, gosod, profi, arolygu a chynnal a chadw ystod eang o graeniau sefydlog a theithio uwchben ar gyfer busnesau diwydiannol, masnachol a gweithgynhyrchu. Rydym yn delio â phopeth o graeniau XY syml i osodiadau XYZ cymhleth. Mae gennym arbenigedd ym mhob math o systemau rheoli, o reolaeth â llaw i reolaeth lawn o bell / PLC, yn ogystal â chraeniau a weithredir o bell neu gyda chamera lle mae diogelwch ychwanegol yn ofyniad neu lle mae'r craen wedi'i leoli mewn amgylchedd garw neu beryglus.

Caenau cydrannau cynhyrchu

Gan is-gontractio i'r diwydiant gweithgynhyrchu, gall ein his-adran caenu arbenigol ddarparu gwasanaeth chwythu a chaenu contract ar gydrannau cynhyrchu. Mae gennym ystod o gaenau ar gael, o enamel sglein i systemau epocsi aml-gôt 2-pecyn, yn ogystal â chwistrellu metel, arwynebau di-lithro arbenigol a chaenau piblinell, gan gynnwys caenau ceramig.

Codi a chario

Mae gan Mona Group ddegawdau o brofiad ym mhob agwedd ar godi. Rydym yn darparu'r cynllunio, arbenigedd, offer a phersonél ar gyfer symud gwrthrychau mawr, trwm neu lletchwith yn ddiogel ac o dan reolaeth. Rydym wedi codi eitemau fel peiriannau trwm, generaduron a chydrannau strwythurol yn rheolaidd.

Mae ein codiadau wedi'u cynllunio'n ofalus, yn cadw at holl ganllawiau'r diwydiant, ac yn cael eu gweithredu gan ein personél profiadol yn ôl asesiad risg manwl. Maent hefyd wedi'u cefnogi gan yswiriant indemniad proffesiynol gwerth £2m.