CERN – Craeniau Teithio Uwchben Trydanol

Mae gan Mona berthynas waith ers tro â CERN, y cyfleuster Ewropeaidd ar gyfer Ymchwil Niwclear yn Geneva.

Yn ogystal â theclyn codi pwrpasol yr Olwyn Fach Newydd rydym wedi’i ddylunio a’i weithgynhyrchu ar gyfer prosiect ATLAS, rydym wedi dylunio, gweithgynhyrchu a chomisiynu nifer o graeniau i’w gosod yng nghyfleuster CERN.

Mae craeniau 1t a 2t wedi cael eu cyflawni a’u comisiynu; craeniau COTS wedi’u haddasu yw’r dyluniad ar gyfer y ddau graen, ac maen nhw’n cynnwys llawer o addasiadau yn unol â gofynion llym y cleient. Mae gan bob craen system reoli gwbl bwrpasol sy’n cynnwys moduron gyriant cyflymder amrywiol, ffaniau awyru gorfodol, cyfres o switshys terfynau teithio, a system llifoleuadau. Hefyd mae gan y ddau graen amrywiaeth o nodweddion ychwanegol, sy’n dibynnu ar y ffordd maen nhw’n cael eu defnyddio; gan gynnwys naill ai radio rheoli o bell neu ffon reoli gyda radio rheoli o bell wrth gefn, a synwyryddion parthau i sicrhau mai dim ond mewn lleoliadau penodol y mae’n bosibl defnyddio’r craen, gan osgoi peiriannau sensitif.

Galeri Prosiect